Il racconto del weekend calcistico isolano in limba sarda a cura degli amici di Amistade.
Su Casteddu tucat a Milanu e faghet s’istòria
Totus amus pensadu chi in Milanu unu puntigheddu contra a su Milan fiat bastadu puru, a su Milan pro abarrare in Champions e a sos sardos pro donare onore e cuntentesa a sa natzione. E su Milan, signada sa prima rete a mancu duos minutos dae su cumintzu, at pensadu chi su giogu fiat cumpostu. Ma issos s’ant fatu sos contos male, ismentighende sa bona balia sarda, de un’iscuadra chi a sa fine podiat giogare, lìbera dae s’oriolu de sa sèrie B. Tando so traballadores isolanos ant abbaidadu in cara sos lombardos de sa legione istranza e prima cun Borrelli, su calicunu bidet comente s’erede de Toni, e a pustis cun Rodriguez, pitzinnu uruguaianu de binti annos, ant covecadu sa gara e postu in campu sa “costante resistentziale” nuràgica. Dae cue si podet torrare a tucare… totus paris pro mudare s’istòria de sa Sardigna.
Mario Bua Capitta, Amistade (cun su contivizu de s’Istituto Chircas)
