Il racconto del weekend calcistico isolano in limba sarda a cura degli amici di Amistade.
Casteddu: tres puntos pesudos in sa die de Gigeddu
Casteddu, pagu giogu e meda profitu, in una die de ammentare in su caminu de una sarvesa noa, una sarvesa possìbile, oe prus de eris. Àteras bias amus giogadu bene, bastat de pensare a sas partidas in terra romana, e semus recuidos a domo, cun sa bèrtula bòida… E b’at de nàrrere chi cun s’iscuadra a sèighi puntos, Como e Milan puru tocant de oriolu, prus de totu si su Casteddu recùperat sos giogadores malàidos. Tando totu narant chi sa panchina sarda est curtza e forsis tocat de bi pensare a ghennarzu. Beru, ma sena ismentigare sos pitzinnos de su vivàiu, ca issos podent mudare su tempus benidore. Isetende a Idrissi bi pensat Grandu in pare a s’iscuadra prus giòvana de totu su campionadu.
Torres – Latina 2-0 – Su Vanni Sanna torrat fortesa de sos sardos
Sa Torres tenet cun balia, sa sèmida de su cabu de subra. Sos latziales aguantant pro unu tempus, ma a pustis devent donare a sos sardos su mèritu de sa superioridade. In su segundu tempus bi pensant Bunino e Corsinelli a tancare in curtzu sa partida, gasi sos tataresos che pigant a 22 puntos, bonos pro imparare a bolare.
Sèrie D: Su Budoni binchet in fora de domo e su Monastir perdet in domo sua.
Su Budoni poddat 2-1 su Città di Anagni, binchent puru su Sarrabus contra a sa Paganese e su Late Durche contra a s’Unipomezia. S’Ossese perdet 3-0 in domo de s’Atlètico Lodigiani e finas su Monastir ruet 2-5 in domo sua contra a sa Sarnese, sa prima de sa classìfica.
Mario Bua Capitta, Amistade (cun su contivizu de s’Istituto Chircas)
