Il racconto del weekend calcistico isolano in limba sarda a cura degli amici di Amistade.
Puntigheddu de oro pro su Casteddu in domo bolognesa
Su Casteddu aguantat s’atacu bolognesu sena tribulare meda e a sa fine s’acùrtziat finas a bìnchere, cando a su minutu 81 Ze Pedro, a duos metros dae sa porta, collit unu cùmbidu galanu de Folorunsho e isbàtzinat artu in sa mesania de sa curva. Abarrat su passu in antis, chi cheret nàrrere sarvesa, sèrie A finas pro s’annada benidora, de giogare cun su mastru e s’iscuadra prus giovana de sa sèrie A, chi ponet in campu giogadores italianos e finas maicantos sardos. Podet fàghere a esèmpiu pro totus sos àteros, a incumintzare dae sos mannos.
Sèrie D sarda: prontos a sas finales
S’Òlbia aparinat sa partida contras a su Sarrabus e si tucat a cumprire sa prima finale in domo de s’Ischia. No est fàtzile ma si podet fàghere. Gioghende sos play-off b’est puru su Monastir, tertza fortza de sa classìfica. Mancari dae a tesu, pro sa prima borta si bidet unu bìculu de sèrie C.
Mario Bua Capitta, Amistade (cun su contivizu de s’Istituto Chircas)
