Tres puntos pèrdidos pro Casteddu.
In nòmene de Bove, sa fiorentina mudat su timore coladu in orgògliu e cun su coro resèssit a bìnchere, s’ottava gara, una fatu a s’àtera. Ma Casteddu àiat potidu sinnare prima ‘e totu, cun Piccoli, De Gea at paradu, Makoumbou, accoglida sa boccia fùida, at isbatzinadu tando a tota fua. Sa defesa ‘e domo est resessida a l’imbolare in corner gratzias a unu cambùtzu. Tando, comente nadu dae sa sorte, rete faddìda, rete leàda. 1-0 pro sos toscanos, a su minutu 24, gratzias a Cataldi. Forsis b’aiat unu fuorigioco, ma niune at bidu. No est nudda, nàrant sos sardos. Su Cagliari a sa muda, at leàt su giogu a manu tenta in su segundu tempus e sa Fiorentina, oriolada, at ascurtat sos tres fruscios de s’arbitro, cun su sentidu de una liberatzione bera…Como nos tocat sa dea lumbarda, primos in classifica. Ma Casteddu no timet pius.
Olbia imbrunciàt rupende su riu campanu…Sarrnese 4, Olbia 1
Sos terranoesos pèrdent pustis de battor garas de bonu pròe. Ma una die deviat capitàre. Sos problemas però sunt àteros. Sas faddinas de sa defesa pàriant immentigadas e coladas a s’istoria. Oe torrant a pizu. Benit gasì a mancare continuidàde e segurèsa, pius de totu sa gana manna de gherrare, chi àiant sinnadu sas urtimas garas, dae cando Ze Maria est accudidu. Como su mastru devet torrare intro sa conca a s’animu de soso piseddos, balentes ma pagu espèrtos, in sa chirca de resessire a accontzare barriu, ca sas urtimas garas nàrant chi galu si potet.
Sa Torres violàt 2-1,su campu emilianu de Carpi
Gratzias a sas retes de Guiebre e Zecca, sa brigada tattharesa at violàdu su campu ‘e Carpi, tanchende pro issa sa propiedade de su cuartu logu in classifica. Sa Torres como no est pius una novidàde. S’idea est cussa de pigare in serie B, e cando s’scuadra, pigada dae duos annos dae sa serie D, faddit carchi gara, tando sa tzente perdet luego sa patzientzia. Toccat como pius de semper innanti, de abbarrare unidos, in sa vittoria, ma cando si perdet puru, in sa chirca de sa bona bàlia, chena mantennere s’archibbùsu semper puntàdu. Gasì no est fatzile giogare…
Mario Bua Capitta, Amistade
