Il racconto del weekend calcistico isolano in limba sarda a cura degli amici di Amistade.
Su Casteddu Romanu
In àteros tempos, aiamus àpidu pensadu chi unu puntigheddu in sa prima partida de su campionadu in su de Parma, diat èssere istadu unu puntu de oro, custa borta nono, s’àera est mudada. S’iscuadra at abertu sa gianna a sos noos e issos ant nadu de emmo, a incomintzare dae Romanu. Ma fintzas Maldini, cun Winks, donant classe e personalidade a sa mesania noa. Tando bi pensant sos mannos de sa cumpanzia a cumpletare s’òpera: pro primu Deiola, bera ànima casteddaja, Mendy faghet atacu a sa sola, Rodriguez a destra e Obert a manca donant seguresa e cando podent ispinghent puru. Sant’Elia abbàidat seguru sa difesa de sa porta e non solu. Naramus puru chi est galu chito pro nàrrere àteru, ma dae inoghe si podet torrare a tzucare…
Sa Torres timet de bìnchere, e benit punida a Livorno
Su giogu lassat pagos dùbbios e narat chi sa Brigada Tataresa b’est, cussa matessi chi pro duos annos at bidu sa sèrie B dae a curtzu. Su bomber Di Stefano, a su minutu 31, donat sa prima rete de s’annada noa a sos tataresos. Mastru Greco paret cuntentu ma orioladu puru, sa Torres fràigat meda ma non resessit a tancare sa partida, tando Di Carmine signat unu rigore donadu dae sa difesa sarda e procuradu dae Aramu, a su minutu 43, cando su primu tempus pariat serradu. In su segundu tempus sa Torres sighit a cumandare sa mesania, ma a sa fine si tancat in difesa timende, e su Livorno nde aprofitat cun Mawete, chi a su minutu 95 donat sa bìnchida a sos meres de domo: Livorno – Torres 2-1. B’at meda ite traballare pro su tempus benidore…
Sèrie D sarda: su ses de cabudanni si torrat in campu, luego su derby prus sentidu, Ossese contra a su Latte Dolce
Mario Bua Capitta, Amistade (cun su contivizu de s’Istituto Chircas)
