Roma rùet male a Como, Casteddu torrat a s’inferru.
Nudda ‘e ite faghere còntra sos meres nosos de sa serie A. Unu puntu preztiosu est abbarradu in sae irenze, s’àteru in domus nostra, inue sos lumbardos nàrant gratzias a santu Carnesecchi, bardianu issoro, ma puru a s’arbitro, gasì comente a su var. Paret guasi chi custu var, fùrat a sos poveros pro donare a sos riccos. Como abbarràt s’armagura, paris cun su perigulu de torrare in serie B. Sos omines de Nicola, bògant a pizu curaggiu e bàlia, comente su mastru nàrat. S’idea est semper una e semper sa matessi, cussa de mudare s’armàgura in desitzu de riscatt. Ma Casteddu, chi devet suerare a duas bias pro balantzare unu puntigheddu, si preguntat, cantu potet durare s’atza de su gherradore, gioghende in undighi còntra doighi donzi orta ch’abbojamus sos barones de sa serie A? Sa tzente pensat chi s’assotziu devet preguntare respetu comente si toccàt, pustis si potet bìnchere o pèrdere.
Olbia torràt a pigàre sa mesania de sa classifica
Olbia-Atletico Uri 2-0, sos terranoesos binchent su derby sardu, donende fortza a sas ideas de su mastru nou Zè Maria, chi narat no a Ragatzu e immentigat La Rosa in domo. Sos piseddos falant in campu cun s’atza manna, chi una gara de importu preguntàt pro sa classifica ma no solu. Su caminu de sa salvèsa rìet cumpridu a s’Olbia, pius pagu a s’Atletico Uri, ch’abbarrat tres puntos in-segus.Namus però chi sa salvèsa solu no pòdet aggradìre s’Olbia, chi bene connoschet sa gloria de sa serie C. Costanzo e Marroni, classe 2005, narant cosas bonas pro su tempus bennididore, gasì comente Demarcus, ex Olbia, pro s’Atletico. Ma issos forsis, no cherent abbarrare diletantes…
Sa Torres no agradìt s’aria de montagna
Sos sardos pèrdent s’atza e s’occasione pro torrare a sos tres puntos, còntra sos toscanos de sa Lucchese in domo tattaresa. Pianghimus pro una bìnchida chi mancàt dae meda, ma no solu, pro como perdimus su cuartu logu puru, in sa classifica de su cabu ‘e subra. Scotto, cun cumpantzos como devent pensare a àgatare sa bàlia perdida pro podère torrare a gherrare in domo comente in-foras e isperare gasì de giompere a sos playoff, inue totu potet capitare. Devimus comprendere totu umpare, chi sos fruscios no ajuant s’iscuadra.
Mario Bua Capitta, Amistade
