Casteddu pèrdet sa terza gara, una fatu a s’àtera, ma lassat Roma cun s’ischina deretta,comente pregat semper mastru Nicola, puru gioghende in noe contro doighi. No bisontzat giudicare s’arbitro. Isse puru potet
isbagliàre, ma cust’Ayroldi faghet pensare male.Naschet gasì su bisonzu de mudare s’àndala de sa serie A: A1 e A2,solu gasì si potet bìnchere sa subalternitade de sa classe arbitrale e torrare dignidade a s’isport pius
bellu de su mundu. Tando no giuat a pianghere subra sas faddinas, siant issas arbitrales o de giogu, in sa gianna nos isetat su Milan, e sa ‘ettia devet faghere a balia noa.
Sa Torres sighit a gherrare e torrat vintzente in sue Vanni Sanna. 3-0 còntra Pianese naràt chi sa brigada tattharesa est’intrada in s’idea de donare calchi dolore, a sa conca ‘e sa capolista Pescara. Sa chida passada b’at pensadu Fishnaller a agabbàre sa resistentzia de su Perugia, cun sa doppietta de su “bomber”. Dametto, Diakite e Scotto cun una maghia dae sa mesania de su campu, ant sinnadu sa nòdida bìnchida còntra sos toscanos,
nènde chi in cust’iscuadra b’at seghi titolares e totu potent detzidere sa sorte de onzi gara, semper e in donzi logu.
Olbia pèrdet 2-1 còntra sos romanos de s’Atletico Lodigiani,tribulende in sa pigada subra sa semida pedrosa, chena resessire a bidere sa lughe ‘e sa punta. Bene solu su Cristian Totti.E su babbu nàrat chi Olbia devet solu
incomintzare a bìnchere, abbastat una olta…cando però?..nos preguntamus nois…
Mario Bua Capitta, Amistade
