Il racconto del weekend calcistico isolano in limba sarda a cura degli amici di Amistade.
Su Casteddu lassat colare sa capitale: Roma – Casteddu 2-0
Sos sardos falant in campu cun pagu coro, in difesa mancant Mina e Luperto, s’iscuadra timet e si tancat. Tando sa partida contat paga istòria, sos romanos si leant su campu e giogant a una porta sola. A sa fine su Casteddu bi proat puru cando Sulemana carrat tremore a sa linna de sa traversa cun su coro mannu de Roma. Dossena puru s’acùrtziat a sa porta de Svilar, ma namus puru chi a sa fine sa Roma fiat istraca puru. Como sos òmines de Gasperini sighint su caminu chi devet abèrrere sa gianna de sa Champions. Su Casteddu tando podet bisare sa sarvesa, ma sena si dormire meda, ca su Lecce chi at bìnchidu contras a s’Udinese, su 16 benit a sa Domus prontu a gherrare.
Sa Juve Next Gen torrat sa Torres cun sos pees in terra: 0-3
Sa sèrie positiva de Mastru Greco si firmat a sa partida nùmeru 8 e no est pagu. Su nùmeru de sas retes podet però leare in trampa: unu rigore donadu cun coro cumpridu e una faddina in difesa, ant mudadu su destinu de una partida gherrada in pare, sena mere e ne tzeracu fintzas a tando. Como non giuat a pensare male, ca sa Torres podet imparare meda dae custa partida pèrdida, imparare pro torrare a cùrrere in su caminu de sa sarvesa, gràtzias a s’identidade agatada.
Mario Bua Capitta, Amistade (cun su contivizu de s’Istituto Chircas)
