Il racconto della gara del Cagliari contro la Cremonese in limba sarda a cura degli amici di Amistade.
Su Casteddu cunzat sa tucada in mèdia sarvesa
Su Casteddu faddit, penat ma non perdet. Mancant giogadores de importu mannu, comente Deiola e Belotti, tantu pro nàrrere duos nùmenes, ma finas Felici e Folorunsho, in difesa torrat Mina, ma est a tesu dae èssere prontu a cumandare sa fortesa sarda. Tando bi pensant sos pitzinnos: Caprile est su prus chi at batidu balia dae s’incomintzu de s’annada. Oe b’at pensadu Trepy, àteru pitzinnu de su 2006, bene connotu dae Pisacane, chi l’at pesadu in sa giovania e chi donat unu valore in prus a su sèberu fatu dae s’assòtziu. Piatu chi essit e piatu chi torrat, investire in su vivàiu oe est s’ùnicu modu pro fàghere crèschere sos minores de sa sèrie A. Atalanta docet. Pustis rupet in campu Kilichsoy, gherradore bizantinu de binti annos a pònnere totus cuncordos subra a su fatu chi isse no est una “metèora”. S’intrada sua at donadu lughe a totu s’atacu e pensamentos mannos a sa difesa de domo. Isse bidet bene sa porta, ma ischit puru cumbidare su cumpanzu. Tando est seguru chi s’iscuadra contat prus de totu, ma su valore mannu de sos piseddos tocat de l’ammentare, ca sunt issos chi ant bisonzu de coràgiu pro crèschere. Comente Luvumbo, galu in pitzinnia, tucadu male pro problemas de salude e àteros, oe in su tempus giogadu at fatu a bidere chi isse b’est ancora.
Bonos annos a totu sos isportivos de su logu e de su mundu intreu in onzi logu
Mario Bua Capitta, Amistade (cun su contivizu de s’Istituto Chircas)
