Il racconto del weekend calcistico isolano in limba sarda a cura degli amici di Amistade.
Unu bonu puntigheddu pro su Casteddu
Un’iscuadra comente su Casteddu chi, in caminu, perdet noe giogadores titulados, at problemas a nde pònnere ùndighi in campu. E puru, si intre a su Casteddu e sa Lazio b’aiat un’iscuadra chi meritaiat de bìnchere, custa fiat de seguru su Casteddu, cun tres ocasiones nòdidas pro signare sa rete, contras a una solu pro sos latziales. Custu ite diat devet narrere? Forsis chi Pisacane, at traballadu bene e chi s’iscuadra como at un’identidade? Gasi paret, oe chie falat in campu, siat sardu, italianu o istranzu, pitzinnu o òmine de esperièntzia, si giogat semper sa partida sua. Posca podet andare bene o male, o puru si la podet partire cun iscuadras fraigadas pro sas copas, comente sos romanos. Tando unu puntu no est meda, ma creschet sa distàntzia dae sa sèrie B, como a oto puntos, e cosa prus importante de sas àteras est chi lassat sinnos bonos subra a su caminu de su tempus benidore.
Sa Torres perdet duos puntos ma nde balanzat unu
Tres o bator a zero, si contamus totu sas ocasiones nòdidas, unu rigore negadu… e tando in ue est custu beneitu balanzu? Como podimus nàrrere puru, chi sos tataresos, tenent pagos segretos: tucare pro bìnchere semper in onzi logu, no est prus unu disizu ebbia, sa Torres cun mastru Greco at fraigadu un’impiantu de giogu, chi dae Zaccagni fintzas a Sorrentino, est malu a brincare pro sas cale si siat iscuadra. Sa Torres lompet como a 25 puntos, colende-nche in sa classìfica su Perugia e sa Sambenedettese, abarrados a 24, cun su Pontedera ùrtimu a sa sola. Namus tando chi como si podet torrare a bisare sa sarvesa dereta.
Neula in sa sèrie D sarda
Sa Scafatese curret a sa sola, binchende puru in domo anzena, contras a su Valmontone, pro sas sarda est die de amargura. Beru chi unu puntu foras de domo sua. pro s’Olbia de oe, est semper bonu, ma si pensamus chi su Flaminia at aparinadu a su minutu 94. Pro sas iscuadras de Sardigna binchet solu su Sarrabus, 3-1 contras a sos trasteverinos. Perdet su Monastir, 0-2 in domo de s’Atletico Lodigiani, zero a zero tra su Budoni e sa Palmese. S’Ischia poddat su Sassari Latte Dolce, chi como incomintzat a abbaidare a su cabu de giosso.
Mario Bua Capitta, Amistade, in contivogiu cun Istituto Chircas
