Il racconto del weekend calcistico isolano in limba sarda a cura degli amici di Amistade.
Su Como torrat su Casteddu a pees in terra
Pisacane at dèvidu pranghere, sa prima borta dae cando allenat in sèrie A, pro su fàghere de sos àrbitros, ca pesat e non pagu, subra a sa partida isparègiu de domìniga chi benit in Pisa. Esposito est istadu iscualificadu sena curpa peruna. Nois, dae custa banda de su riu, namus dae meda, chi su Casteddu, comente sas àteras iscuadras minores de sa sèrie A devent bìdere sa faddinas de sos àrbitros, semper a dannu issoro. Tocat de faeddare de Robin Hood a su revessu. Nois preguntamus a s’assòtziu sardu, de pedire àrbitros a sa Frantza o sa Germània puru, tando b’at iscuadras, sas ricas prus de totu, chi impignant solu giogadores istranzos. Tando, pro ite no impitamus sos àrbitros puru de foras? Pustis, a pèrdere contras a su Como, chi gherrat pro sa Champions, si podiat fians pònnere in contu, ma a Pisa tucamus pro bìnchere, nos giogamus sa sèrie A, sena Esposito e sena totus sos malaidos, chi sunt a fiotu a beru…ma cussa no est solu malasorte.
Sa Torres binchet sa prima finale in su Vanni Sanna
Poddadu su Guidonia in su campu de Tàtari, cosa chi non capitaiat prus dae tempus meda…e cun custa partida bìnchida in su turnu de intro de chida, pro una die sa Torres essit a foras dae s’inferru de sa sèrie D. Istranzos in deghe dae su minutu 35, devent leare sas retes de Sorrentino, indimoniadu comente semper, e de Mastinu chi signat su 2-0. A sa fine su Guidonia torrat in partida signende su 2-1 e a iscutas est a curtzu a aparinare… gasi sunt sas finales de su mundu. Acabbat unu a unu, s’àteru isparègium, cun sa Torres chi pigat a 29 puntos e su Carpi a 33. E nàrrere chi sos sardos ant signadu a primu, gràtzias a unu rigore signadu dae Luciani a su minutu 62. Posca pro sos emilianos, b’at pensadu Zagnoli a aparinare sos contos. Abarrat tando solu unu puntigheddu pro sos tataresos, minore, ma pesudu che oro.
Sèrie D sarda: custu fine chida su girone G fiat arressu.
Mario Bua Capitta, Amistade (cun su contivizu de s’Istituto Chircas)
