Il racconto del weekend calcistico isolano in limba sarda a cura degli amici di Amistade.
Su Casteddu torrat a pèrdere, custa est sa cuarta partida una in fatu a s’àtera
Su Casteddu giogat, cumandat su primu tempus, signat una rete e s’acùrtziat àteras tres bortas a sa segunda. Ma non signat e punghet pagu. Caprile abbàidat sa bròcia dae a tesu. Su Sassuolo paret ritzu pro iscummissa. Su Casteddu forsis s’illudet, forsis nono, ma in su segundu tempus mudat totu. Sos emilianos agatant sa balia pèrdida e sos sardos si tancant in su nuraghe. Bastant duos tiros pro nde ghetare sa gianna, e nudda podet Santu Elia. Su Sassuolo at in campu duos bomber, su Casteddu nemmancu unu. Sàpadu 11 de abrile sos sardos si devent giogare sa sèrie A, contras a sa Cremonese, totu in una partida. Si sos sardos perdent, tando ant a proare sos fogos de s’inferru, ma prus malu de totu morit custu progetu nou.
Die pagu lughente pro sa sèrie D sarda
Su Budoni torrat a pèrdere in domo sua, 2-3 contras a su Valmontone. Puntigheddu bonu pro s’Òlbia chi parègiat 1-1 in su Bruno Nespoli, contras a su Monterotondo e pensat a sos play-out. Puntu de oro pro sa C.O.S. Sarrabus 1-1 in domo de su Cassino. Puntigheddu bonu finas pro su Monastir, chi faghet 2-2 in domo de s’Anzio e pro su Latte Dolce chi parègiat 0-0 in domo de sa Nocerina.
Mario Bua Capitta, Amistade (cun su contivizu de s’Istituto Chircas)
