Il racconto del weekend calcistico isolano in Limba Sarda a cura degli amici di Amistade.
Die romana de ismentigàre pro sos sardos
Caprile ispònet sa partida chentza oriolu, una bòcia li violàt sa porta, guidada dae sa malasorte. Svilar invece, bardianu e domo, benit premiadu comente metzus omine in campu. Sa Roma, chi in su segundu tempus tremat, contro sa bàlia sarda, proada puru dae fadìgas e suòres europeos, ponet in campu sa resistentzia de su gherradore, cussa de su Mastru e profitat de s’unica faddina de sa defesa cagliaritana, pro sinnare s’1-0, chi abberit sa giànna a su meraculu nou de santu Ranieri, chi como bidet dae attesu sa champions…Casteddu abbarrat in s’oru ‘e sa trèma.Si potet galu bisare s’iscudeto sou, sa salvesa, cun s’ajudu ‘e sas minores, chi abbarrant mudas e chietas in su cabu ‘e giosso. Como reposu, ca su 30 e custu mese, benit a Casteddu su Monza.
Torres iscurigàda dae sa Pianese 3-1, pèrdet su terzu logu
Terza amargùra, una fatu a s’àtera, pro sa Torres, chi como bidet su cabu ‘e subra dae attesu. Pescara si lèat su terzu logu, chena nudda furare, e fùit a +1 dae sos tattaresos. Si potet galu gherrare pro sos playoff. Toccat de sighire a chircare s’atza e ismandràre donzi timore. Su tempus b’est, desitzu e omines puru, no giuat a pèrdere s’isperu, ma s’assotziu dèvet comprendere su pruite ‘e sa crisi e pustis comente accontzàre bàrriu.
Olbia si pasàt subra su caminu, pensende a su Savoia
Terranoa como potet abbaidare cun bon’isperu a sa sarvesa deretta, Ragatzu cun Biancu sunt torrende a s’iscuadra sa perdida identidade, cussa chi accurtziàt sa tzente a sos bardianos de su faru. Sos piseddos, agatadu su siddadu de sa bàlia preguntada, pòdent ajuare a ismentigare un’annada chi at carradu armagùra e oriolos a su coro biancu.
Mario Bua Capitta, Amistade
