Il racconto del weekend calcistico isolano in Limba Sarda a cura degli amici di Amistade.
Casteddu amàt sa bantzigallèlla
Bene meda tuccàt su Cagliari, cun giogu, ideas e s’agatada balia. Piccoli est su balente pius mannu e sinnat luego. Colados mancu de otto minutos, pònzende a frutu una bòcia galàna, donada dae Obert’unfiat sa rete istrantza. S’arbitro narat “fuorigioco”, nachi at bidu unu pilu de Piccoli innanti a sa defesa istrantza… e incue incomintzant sos sardos a bantzighellàre e su minutu 18, su Genoa s’accurtziat a 1-0. Casinu nieddu intro s’area cagliaritana, ma cando s’iscuadra paret accantu a imbrunciare, tando isse, semper Obert , mudat su
perigulu in vantagiu: àtera bòccia longa e galàna pro Piccoli, su tamburinu sardu la domat cun bàlia manna, bidet cun sa coa ‘e s’ocru Viola e l’imbiat unu cumbidu cumpridu, chi no si potet traire, 1-0 pro Cagliari. Su Genoa intendet su colpu e su Cagliari pigat a cumandare su giogu. Sa segunda rete paret in s’àera, cando Coman, chi aiat toccadu su palu e linna cun una punizione geniosa, si bogàt su cambùtzu e dèvet lassare su campu. In logu sou bìntrat Augello. Unu terzinu pro un’attacante. S’idea chi colat su campu e foras puru, est
chi Nicola cheret defendere s’ 1-0. Su Genoa profitàt de sa perdida de sa “Cara Manna” sarda e giompet a su pareggiu, cun Cornet a su minutu 47…Sos ligures como s’accurtziant a sa salvesa, Casteddu abbarrat in su perigulu. E dominiga tuccàmus a Roma…
Torres apparinàda dae su Legnago, ùrtima in classifica
Segunda amargùra, una fatu a s’àtera, dae cussa ‘e Terni, a custa còntra Legnago. S’Entella fùit a deghe puntos innantis e bocchit sos bisos tattaresos de una pigada deretta in serie B. Ma sa brigada Tattaresa abbarrat terza e potet pensare e gherrare pro sos playoff. Toccat de chircare e agatare sa perdida bàlia, atza e coraggiu. Su tempus a s’scuadra b’est, sa ‘Idda puru. Guai a si faghere leare e prendere dae malas ideas e rassignassiòne.
Olbia bìnchet sa terza gara una fatu a s’atera…
Torrat Ragatzu, s’artista connottu e Olbia si buffat S’Atletico Lodigiani. tres puntos de oro, ch’istejant sa coa, chi che ruet como semper pius attesu, donende animu e atza, de impitare in su caminu ch’abbarrat, dae como fintzas a sa salvesa dereta, pensende puru a tribagliare cun bonu tzelu , pro su tempus bennidore. Cun mastros comente Ragatzu, Biancu e piseddos de talentu mannu, si potet torrare a bisare.
Mario Bua Capitta, Amistade
