Il racconto del weekend calcistico isolano in Limba Sarda a cura degli amici di Amistade.
Puntu de oro in sa gara piùs fea
Casteddu dèviat mantennere sa distàntzia dae sa zona B, e colados sos tres frusciuos carrat a domo, unu zero a zero, chi lassat creschet s’isperu de una salvesa gherrada dae totus, mannos e minores. Mastru Nicola, tribagliat pro s’iscuadra, sighende su caminu cun realìsmu. Abbarrat su perigulu, beru, ma como su tèrz’ultimu logu de su cabu ‘e giosso, ch’est e abbarrat a ses puntos. Sos sardos aiant potidu bìnchere in sae Empoli, abbaidende sos valores in campu, ma sos toscanos in domo issoro si giogaiant sa serie A e an fatu totu su chi potiant pro bìnchere. Su Cagliari de Nicola connoschet però sa raighina “restentziale” e gratzias a sa bàlia de omines comente Caprile e Mina, subra totu, resessit a narrere chi nono a s’atza e sa bettia de onzi scuadra e tando no timet a niune, nemmancu a sos a s’Inter, meres de sa serie A e no solu.
Torres accoglìt solu unu pareggiu cun uni’Spal atzùda, ma abbarràt terza
Sa Torres, proàt a colare vintzente còntra sos emilianos, chi gherrant in cust’annu lanzu pro mantennere sa serie C. Tatthari invece chèret sighire a bisare sa serie B. Ma in su mundu de sa bòccia donzi gara faghet su caminu sou. Spal at giogadu pro bìnchere e nudda at furadu cun su 0-0 Sa Ternana, desitzosa de su terzu logu, cantu sa Torres, at pèrdidu in domo sua, còntra su Carpi e còntra donzi previsione. Tando su puntu de oe, est solu balantzadu.
Olbia bìnchet 3-1 còntra Cyntialbalonga e sa crisi de s’assotziu
Sa gara Ispònet cun tre puntos de importu mannu pro sos terranoesos, chi bìnchent cun meritu, chena timire sas nues de su tempus bennidore…Die iscura pro sa àtera iscuadras sardas in serie D, Latte Dolce poddada dae Real Monterotondo 1-0, Ilvamaddalena pèerdet sa gara sua in domo de su Cassino Calcio, semper 1-0 s’Atletico Uri pèrdet male meda, in domo de su Trastevere, tando paris cun s’Olbia, bi pensat C.O.S. Sarrabus a salvàre sa bandèra, 3-2 còntra Terracina.
Mario Bua Capitta, Amistade
