Il racconto dell’infrasettimanale di campionato e del Cagliari e della Torres in Coppa Italia Serie C in limba sarda a cura degli amici di Amistade.
Meidade de chida iscurosa pro su bròcia sarda
Su Casteddu perdet sa mesania de su campu, contras a un’iscuadra minore, ma chi giogat a fùbbal cun ischire e balia manna, su Sassuolo. Sa proa, pro bogare sa conca a foras dae su cabu de giosso, est faddida. Pro ite tando? Ite mancat a s’iscuadra pro mantènnere sa lughe manna che a àteras bias? S’esperièntzia de seguru, mancat un’òmine comente a Mina. Sa difesa est forte, ma mantesa dae pitzinnos puzones. Non semper su bardianu podet sarvare sa gara, comente est capitadu in Verona. Seguru est, chi Sassuolo no at furadu nudda. Carchi cosa de bonu l’amus bida: Prati donat ischire e balia, Esposito imbucadu dae Felici signat sa prima rete. Rete chi non faghet puntos, ma lassat bonu isperu pro su tempus benidore.
Sa Torres narat adiosu a sa Copa Itàlia in domo de s’Arezzo e custu si podiat ischire. Sena gherrare però no andat bene. Tando, como tocat de chircare unu mèdiu, e de lu chircare luego, sena pèrdere tempus meda. E dae Terranoa acudint boghes chi lassant logu a sentidos de oriolu.
Mario Bua Capitta, Amistade (cun su contivizu de s’Istituto Chircas)
