Il racconto del weekend calcistico isolano in limba sarda a cura degli amici di Amistade.
Su Casteddu binchet contras a su Parma in su caminu de sa sarvesa
Cando sos sardos ant signadu sa rete de su 1-0, amus cumpresu chi su Casteddu como tenet duos mastros, unu subra a sa cadrea manna, Pisacane e s’àteru in campu, Mina. Seguru est chi, in custu momentu, tocat de faeddare de sarvesa, sena però nos ismentigare chi amus in porta su bardianu prus mannu de s’istòria de custa iscuadra, paris cun Albertosi, isse si narat Elia Caprile. Si tando Prati sighit a cumandare sa mesania cun totu s’ischire sou e Belotti torrat su puddu connotu, tando a beru si podet bisare carchi cosa in prus.
Torres sarvat sa gara a su minutu 74
B’at pensadu Diakite, cun un’eurogol, a pònnere remediu a un’àtera partida chi pariat faddida, in fatu a sa pèrdida in domo contras a sa Pianese de sa chida colada. In sa Torres mancat su capitanu chi at mudadu iscuadra paris cun su bomber, ma giogadores noos comente Musso, Lunghi e Diakite matessi, donant bona ispera pro su tempus benidore. Pro como sos tataresos ant mòvidu sa classìfica, unu puntigheddu est bonu.
Mario Bua Capitta, Amistade
