Il racconto del weekend calcistico isolano in Limba Sarda a cura degli amici di Amistade.
Casteddu chèret mantènner sa serie A
Casteddu dèviat bìnchere e colados sos tres frusciuos carrat a domo, unu tre a zero, chi lassat pagas chistiones in ballu. Tres puntos còntr’a su Monza e còntra sas malas limbas, connottos como comente “leones de tastiera”, semper prontos a attaccare Mastru Nicola, su Presidente e chie tribagliat pro s’iscuadra. Abbarrat su perigulu, beru, ma como su tèrz’ultimu logu de su cabu ‘e giosso, ch’est a ses puntos. Si sos sardos tìant dever’bìnchere in sae Empoli, sa prima dominiga de Abrile, tando sa salvèsa si pote pònnere intro una càscia de ferru e incomintzare a tribagliare pro su tèmpus bennidore, tèmpus chi at bisonzu de unu progetu pius nòdidu, pro isperiare su cabu e subra, comente Sardigna meritat.
Torres furriàt s’Entella a pè in terra, ma accoglìt solu unu pareggiu
Custa olta sa Torres, narat in campu pruite devet sighire a bisare sa serie B, e lu nàrat in domo de sa prima de sa classe, còntra un’iscuadra chi sa serie superiore l’at già in bertula. Sa torres fùit lestra cun Mastinu a su minutu 28 sinnat una rete de serie A. S’Entella no est cumbinchida e attacat cun su coro, ca sos sardos tennent sa gara in manu issoro. Mastinu at sa bòccia pro su 2-0 ma fàddit, tando bi pensat Tiritiello a apparinare totu, in s’unica faddina de sa defesa sarda, pustis de una punizione dubbia. Entella sighit a attacare chena resessire a faghes tremare Zaccagno. Sa torres cun lestresa sighit a ponnere sa porta ‘e domo in perigulu. Sa gara a sa fine 1-1,narat chi sa Torres abbarrat terza e potet galu bìsare.
Olbia apparinàt in Zona Cesarini còntra C.O.S. Sarrabus Ogliastra
B’at pensadu su defensore Pani, a giompere a unu pareggiu, in una gara chi pariat pèrdida, in domo ogliastrina, cun Ragatzu chi devet lassare su campu prima ‘e su tèmpus, impedidu a giogare comente isse ischit pro sa segunda gara, una fatu a s’àtera. Paga bàlia?… Pruite tando? S’isperu est chi torret luego a su connottu… Sa serie D nàrat chi Ilvamaddalena si pòtet galu salvare, poddàt 2-0 sa Puteolana e rùpit sa zona playout. A Tatthari gara galana, isposta 1-1, tra Latte Dolce e Anzio. S’Atletico Uri, pèrdet male meda, in domo sua còntra su Guidonia. Un’àter’annu at a giogare in serie D b’at a essere su Budoni puru: tando est festa manna in Gaddhura…
Mario Bua Capitta, Amistade
