Il racconto del weekend calcistico isolano in Limba Sarda a cura degli amici di Amistade.
Casteddu no timèt sa Juve, pustis si pentìt
Male meda tuccàt su Cagliari, donende a Vlahovic una bòcia de oro pro sinnare s’1-0 a un’iscuadra chi at pagu bisonzu de un’ajudu gasi mannu. S’impressu rùet in unu su primu tempus de ismentigàre pro sos sardos, sarvados da poi pius de una olta dae sant’Elia. Ma totu custu pruite? Namus chi s’armada piemontesa est un’oceano o metzus comente su monte piu altu, no si potet jumpare o pigare chena timore o respetu. Cagliari agàtat s’atza connotta in su segundu tempus, tanchende in curtzu sa Juve, chi a sa fine accoglit sos tres fruscios de s’arbitro, cun sentidu de libberasciòne. Ma tando fit tardu. Como Cagliari, dae su casteddu sighit a abbaidare cun timore su cabu ‘e giosso. Sos torinesos, in cambiu, bident cun interessu nou su terzu logu de sa graudatziòne. Parma, Como e Verona fàghent passos innanti de importu mannu. Sa gherra pro sa salvèsa si faghet semper piu in pigada, ma est torradu Luvumbo e l’amus bidu, cun Gaetano chi paret furriende a essere isse, tando si potet ancora bisare. E dominiga a Bologna nos ‘isetat una proa noa.
Torres torràt binchidòra intro ‘e domo e abbaidàt su cabu ‘e subra
Oe est toccadu a Carboni, tattaresu de animu beru, torradu a domo sua a bennartzu, pro giogare sa prima gara cun sa Torres.: accuccàdu in s’oru de s’area minore, s’est lampadu subra sa bòccia torrada in campu che unu falchittu, cando s’isbatzinada de Fishnaller at fatu tremare sa linna de sa traversa. Un’àtera rete chi bàlet tres puntos, “made” in domo. Pontedera tando at bogadu a pizu bàlia manna e sa brigada tattaresa s’atza de sa sa resistentzia, sa matessi chi ammuntonat dae undighi garas bonas, una fatu a s’atera. Entella abbarrat 5 puntos innanti, ma su caminu est longu e Dominga sa Torres tuccat a Terni, segunda in classifica…
Olbia bìnchet sa prima de sas doighi finales…3-0
Olbia in su segundu tempus nàrat chi su purgatoriu est solu de passatzu e potet ruere in s’mmentigadortzu. Islam, bintradu in su segundu tempus, fuit in s’ala ‘e manca e donat unu cross galanu in sa mesania de s’area, inue Maspero (duas retes), isettat e no perdonat Olbia 2, Trastevere 0. Tando accudit sue tres puru,Salandra donat valore a unu cumbidu de Ragatzu, su segundu de sa gara…totu faghet pensare chi su ‘eranu est torrende.
Mario Bua Capitta, Amistade
