Casteddu gherradore.
S’iscuadra at torradu a bogare a pizu ideas, coro e identidade, comente mastru Nicola narat donzi die,in
donzi logu. E In su campu minadu de Genova, sos casteddajos ant remontàdu una gara chi pariat perdida a
su minutu 89, gratzias a sa balia de sos gherradores. Como no giuat a si frimmare, ca chenapura benit a
Casteddu su Verona, cun su zèlu de guastàre sa festa a sos sardos. Una bìnchida còntra sos venetos, potet
abberrere jannas nòvas, donare animu a unu caminu pedrosu, inue luego abbojamus totu sos fortes, cussos
de s’A uno, pro narrere.
Olbia torrat a bìnchere fora ‘e domo.
Cun unu mastru nou, meda connottu, ma chi pagu connòschet logu e tempus terranoesu, s’assotziu at
confessadu sa crisi pius iscùra, furènde tribagliu e bàlia a chie dae semper at donadu ischire, coro e
identidade a s’iscuadra. Semus faeddende de Luca la Rosa. Si s’assotziu si cheret faghere amare dae sa
idda, no potet mutzarre sas righina. Tando su resultadu de dominiga donat valore a su giogu pensadu dae
Zè Maria. Sa bìnchida 2-1, in domo Cynthialbalonga allumat s’isperu de una salvesa deretta, de giompere,
solu s’ impitamus balia e ischire de totus, in primis de chie est abbarradu foras, chena gurpa. Unu passu in
segus como, cheret narrere bàlia.
Sa Torres perde battor puntos a su minutu 90, in sas ùrtimas duas partidas.
Sa semida si faghet semper pius in pigada e su primu logu utopia. Ma subra sa serie B si potet galu bisare.
Ruere a su minutu 90 donat meda armagùra, ma pro cussu no giuat a perdere curaggiu, né sa chirca de sa
perdida balia…ca sa pigada a su cabu ‘e subra no est cosa de pagu contu, ma sa Torres la potet faghere. Ca
accurtzu b’at, omines, assotziu e una bidda manna…
Mario Bua Capitta, Amistade
